ყოველწლიურად აბიტურიენტები და მათი გულშემატკივრები უნივერსიტეტის არჩევის კრიტერიუმთა შორის განსაკუთრებულ მნიშვნელობას, მაღალი ხარისხის განათლების გარდა ფინანსურ შეთავაზებებს ანიჭებენ. საქართველოს უნივერსიტეტი კი ერთადერთი უნივერსიტეტია საქართველოში, რომელიც უმაღლესი ხარისხის განათლების მიღებასთან ერთად, გრანტიანი პირველკურსელთათვის სოლიდურ თან-ხას გასცემს, ერთჯერადად და რაც მთავარია თავისუფალი გამოყენებისათვის. მესამე წელია უნივერსიტ-ეტს ათობით გამარჯვებული ჰყავს, რომლებსაც უნივერსიტეტში ჩარიცხვის პირველივე კვირაში გადაეცათ სოლიდური თანხები — საჩუქრად.
„ როდესაც აბიტურიენტი ვიყავი, ვიდექი გამოწვევის წინაშე ,ამერჩია უნივერსიტეტი, რომელიც მაღალი ხარისხის განათლებასთან ერთად მომცემდა საშუალებას, რომ ჩემი ცოდნა პრაქტიკაში გადამეტანა და დასაქმება შემძლებოდა ლოკალურ თუ საერთაშორისო ბაზარზე. ვფიქრობდი, ამერჩია უნივერსიტეტი, სადაც განათლების მიღება იქნებოდა არამარტო თეორიულ- არამედ პრაქტიკული მოდულებით დატვირთული. სწორედ ამ ძიების პროცესში შევაჩერე UG -ზე არჩევანი. ჩარიცხვის შემდეგ, გავიგე რომ საქართველოს უნივერსიტეტის საგ-რანტო კონკურსის გამარჯვებული გავხდი, ამ შეთავაზების შესახდებ სოციალური ქსელიდან ვიცოდი, მაგრამ გამარ-ჯვება ნამდვილად მოულოდნელი იყო. 10 000 ლარი გადმომცა უნივერსიტეტმა საჩუქრად. გამომდინარე იქიდან, რომ ეს თანხა თავისუფალი მოხმარებისთვის იყო, ჩემი ნატვრა ავისრულე და მოგზაურობაში გამოვიყენე.“ აცხადებს საგრანტო კონკურსის ერთ-ერთი გამარჯვებული ლანა კაბულოვი
საგრანტო კონკურსის მთავარი კრიტერიუმი ერთიან ეროვნულ გამოცდებში მიღებული მაღალი ქულებია, საქართველოს უნივერსიტეტში ჩარიცხული, გრანტიანი, 10 პირველკურსელი დაჯილდოვდება 100 000 ლარიანი ფონდიდან. აღსანიშნავია, რომ საგრანტო ჯილდოს თანხა ბოლო ორი წელია 50 000 დან 100 000 მდე გაიზარდა, რაც ცალსახად ტოვებს იმის საშუალებას, რომ გაცემული თანხების რიცხვი იყოს მაღალი.
გარდა ამ განსაკუთრებული შეთავაზებისა, საქართველოს უნივერსიტეტში ზოგადი ფინანსური შეღავათე-ბიც მოქმედებს, რაც იმას ნიშნავს, რომ სახელმწიფო გრანტის მოპოვების შემთხვევაში თითოეულ სტუდ-ენტს გადასახადი გაუთანაბრდება იმ თანხის ვალიდურად — რა პროცენტის გრანტსაც მიიღებს.
100% სახელმწიფო გრანტის მიღების შემთხვევაში წლიური გადასახადი — 0 ლარი
70% სახელმწიფო გრანტის მიღების შემთხვევაში წლიური გადასახადი — 675 ლარი
50% სახელმწიფო გრანტის მიღების შემთხვევაში წლიური გადასახადი — 1125 ლარი
აქვე აღსანიშნავია, რომ საქართველოს უნივერსიტეტის სტუდენტებისათვის მოქმედებს სწავლის საფასურის გადახდის გრაფიკი, რაც იმას ნიშნავს, რომ ყველას ჩარიცხვისთანავე შეუძლია სწავლის საფასური 10 ნაწილად გადაანაწილოს. გადასახადს იხდიან ყოველთვიურად, წინასწარ გაწერილი განრიგით, რაც მნიშვნელოვან ფინანსურ შეღავათს უწევს თითოეულ სტუდენტს.
