დღეს ბორჯომის მუნიციპალიტეტის მე-8 მოწვევის საკრებულოს პირველი სხდომა გაიმართა.
საკრებულოს თავმჯდომარედ გიორგი ფერაძე აირჩიეს. მას, აღნიშნულ პოზიციაზე მხარი 27-მა დეპუტატმა დაუჭირა.
«დღეს ბორჯომის მუნიციპალიტეტის მე-8 მოწვევის საკრებულოს პირველი სხდომა გაიმართა. წარმატებებს ვუსურვებ თითოეულ დეპუტატს შემდეგი 4 წლის განმავლობაში, მე ღრმად მწამს, რომ ამ მოწვევის საკრებულოს საქმიანობა წარმატებული და ნაყოფიერი იქნება.
მადლობას ვუხდი თითოეულ დეპუტატს ჩემი, როგორც ბორჯომის მუნიციპალიტეტის საკრებულოს თავმჯომარედ არჩევაში მხარდაჭერისთვის. ჩემი დიდი სურვილია, რომ ბორჯომის მუნიციპალიტეტი ერთად ვაქციოთ კიდევ უფრო განვითარებულ, წარმატებულ და ტურისტებისთვის მიმზიდველ მუნიციპალიტეტად. ჩვენი კოორდინირებული მუშაობით კი ეს ნამდვილად შესაძლებელია.
ასევე, მადლობა მინდა გადავუხადო თითოეულ ბორჯომელს ადგილობრივი თვითმმართველობის არჩვენებში გამოცხადებული ნდობისთვის და პარტია «ქართული ოცნება-დემოკრატიული საქართველოს» დამაჯერებელი გამარჯვებისთვის.
კიდევ ერთხელ მადლობა ჩემს ბორჯომელებს, მიგულეთ თქვენს სამსახურში» — განაცხადა საკრებულოს ახალარჩეულმა თავმჯდომარემ.
ბორჯომის მუნიციპალიტეტის საკრებულოს თავმჯდომარის პირველ მოადგილედ ნიკოლოზ კიკნაძე აირჩიეს.
მას აღნიშნულ პოზიციაზე მხარე 27-მა დეპუტატმა დაუჭირა.
ბორჯომის მუნიციპალიტეტის საკრებულოს თავმჯდომარის მოადგილედ რევაზ ლაშხი აირჩიეს.
მას, აღნიშნულ პოზიციაზე მხარი 27-მა დეპუტატმა დაუჭირა.
ბორჯომის მუნიციპალიტეტის საკრებულოს თავმჯდომარის მოადგილედ გენადი მუმლაძე აირჩიეს.
მას, აღნიშნულ პოზიციაზე მხარი 27-მა დეპუტატმა დაუჭირა.
ბორჯომის მუნიციპალიტეტის საკრებულოს ფრაქციის «ქართული ოცნება-დემოკრატიული საქართველო» თავმჯდომარედ ლევან თედიაშვილი დაამტკიცეს.
ბორჯომის მუნიციპალიტეტის საკრებულოს ფრაქციის «ხალხის ძალა» თავმჯდომარედ ივანე შალუტაშვილი დაამტკიცეს.
