სამცხე-ჯავახეთის სახელმწიფო რწმუნებულმა ზაალ გელაშვილმა მუნიციპალიტეტების მერებთან რეგიონში მიმდინარე და დაგეგმილი პროექტები განიხილა.
დაგეგმილ პროექტებზე საუბრისას ზაალ გელაშვილმა აღნიშნა, რომ მნიშვნელოვანია სრულად იყოს გათვალისწინებული მუნიციპალიტეტებში არსებული გამოწვევები და მოსახლეობის საჭიროებები. შეხვედრაზე განიხილეს ინფრასტრუქტურის მიმართულებით მიმდინარე სამუშაოები, გაესვა ხაზი მათი დროულად დასრულებისა და შესაბამისი მონიტორინგის აუცილებლობას.
ასევე, ყურადღება დაეთმო მუნიციპალიტეტების გრძელვადიანი განვითარების გეგმების შემუშავებასა და შესაბამისი დოკუმენტების მომზადებას.
სამუშაო შეხვედრაზე, „დანიშნულების ადგილის მართვის ორგანიზაციის“ ხელმძღვანელმა დავით მუმლაძემ , ერთწლიანი მუშაობის ანგარიში წარუდგინა. სამცხე-ჯავახეთის სარაგბო კლუბის ხელმძღვანელმა, ირაკლი გვენეტაძემ , სახელმწიფო რწმუნებულს ჩატარებული სეზონის ანგარიში და სამომავლო გეგმები გააცნო.
შეხვედრას ესწრებოდნენ სახელმწიფო რწმუნებულის მოადგილეები გიორგი ქოჩიაშვილი და სერგი მუშკუდიანი, რწმუნებულის აპარატის უფროსი ვახტანგ მერაბიშვილი, რეგიონული პროექტების კოორდინირების სამსახურის უფროსი მარინა გაჩეჩილაძე, ბაკურიანის განვითარების სააგენტოს ხელმძღვანელი ეკატერინე ორჯონიკიძე და სამხარეო ადმინისტრაციის წარმომადგენლები.
