„სამოქალაქო საზოგადოებისა და მედიის განვითარების ინსტიტუტმა”, ფონდი ტასოს მხარდაჭერით ახალდაბის მედიაკაფე ,,ლუტრეზი’’-ში „ახალგაზრდული მულტიფუნქციური მედიასკოლის” პროექტი განახორციელა.
პროექტის ფარგლებში მედიასკოლაში ახალდაბელმა და მიმდებარე სოფლებში მცხოვრებმა ახალგაზრდებმა გაიარეს საგანმანათლებლო კურსი “პიროვნული უნარების განვითარება, პროფესიული ორიენტაცია და კარიერული დაგეგმვა”. ტრენინგებს უძღვებოდნენ მოწვეულუ ტრენერები: მარიკა ვაჭარაძე, პაატა ცნობილაძე და თამთა ნარიკაევი/ბაინდურაშვილი.
ტრენინგების მიმდინარეობისას მონაწილეებმა ტრენერ მარიკა ვაჭარაძისგან მიიღეს ინფორმაცია შრომითი ბაზრის, პროფესიების პერსპექტივების, დასაქმების შესაძლებლობის შესახებ. ისწავლეს, როგორ მოამზადონ CV, როგორ მოიძიონ ვაკანსია, დაწერონ სამოტივაციო წერილი და როგორ მოემზადონ დამსაქმებელთან გასაუბრებისთის.
თეორიული კურსის მიმდინარეობისას იმართებოდა დისკუსია-დებატები და როლური თამაშები, რამაც ახალგაზრდებს მისცა შესაძლებლობა, პრაქტიკაში დაენახათ ის, რაც თეორიულ ნაწილში მოისმინეს.
***
პროექტის ფარგლებში ახალგაზრდებს ჩაუტარდათ ასევე იურისტ პაატა ცნობილაძის ტრენინგი შრომის კოდექსისა და ახალგაზრდების შრომითი უფლებების შესახებ. ამავე დროს მიიღეს ინფორმაცია, როგორ ჩაერთონ ადგილობრივი თვითმმართველობის საქმიანობაში და გახდნენ უფრო აქტიურები, რათა ადვილად შეძლონ თემის პრობლემების იდენტიფიცირება და ადვოკატირება.
****
ამ კურსის ფარგლებში ერთ-ერთი მიმართულება იყო — გაყიდვადი კონტენტის შექმნა, სოციალური ქსელების მართვის შესწავლა. ტრენინგები წარმართა მენტორმა თამთა ნარიკაევი/ ბაინდურაშვილმა.
ახალგაზრდები ფაქტობრივად დაეუფლნენ ახალ პროფესიას. შეისწავლეს ვიდეოების გადაღების, მონტაჟის, ვიდეობლოგების და რეკლამის მომზადების პრინციპები, რაც ხელს შეუწყობს,მომავალში დამოუკიდებლად შეძლონ სოციალური ქსელების მართვა, გაყიდვადი კონტენტის შექმნა და თვითდასაქმება.
უკვე რამდენიმე წელია, სოციალური ქსელი აღარაა მხოლოდ პლატფორმა გართობისა და მეგობრებთან საუბრებისთვის. დღეს ისინი იქცა: ბიზნესის მთავარ არხად — კომპანიები, მეწარმეები და ქოუჩები იყენებენ სოც. მედიას პროდუქტის/მომსახურების პოპულარიზაციისთვის და გაყიდვებისთვის. სწავლისა და თვითგანვითარების სივრცედ — TikTok-იდან YouTube-მდე, ინსტაგრამის Reels-ითაც კი შესაძლებელია ცოდნის მიღება. პირადი ბრენდის პლატფორმად — ადამიანები ქმნიან საკუთარ სახელს, იზიდავენ აუდიტორიას და აყალიბებენ გავლენას. სოციალური ქსელების მართვის ცოდნა ახალგაზედებისთვის არა მხოლოდ სასურველი, არამედ აუცილებელიცაა, რადგან: სოციალური მედია = ციფრული CV-ს; უკვე არის მათთვის შემოსავლის ალტერნატიული წყარო; სწორედ ამიტომ ახალდაბის მედიაკაფე „ლუტრეზი“-ში ახალგაზრდებმა გაიარეს ტრენინგები: *სოცილური ქსელების ოპტიმიზაცია/შეფუთვა/პოზიციონირება; *ქოფირაითინგი/მარკეტინგული პოსტების წერა; *ვიდეო მარკეტინგი/ვიდეოს მონტაჟი. თეორიული და ნახევრად პრაქტიკული ტრენინგების შემდეგ, უკვე ბოლო შეხვედრაზე ბავშვებმა მენტორთან,თამთა ბაინდურაშვილთან ერთად, გადაიღეს ვიდეო Youtube პლატფორმისთვის https://www.youtube.com/watch?v=sJXLF0daC-E ხოლო ამ ვიდეომდე, გადაიღეს ვიდეოები თემაზე“ახალგაზრდების ცხოვრება სოფლად“, რომელიც გამოაქვეყნეს სპეციალურად შექმნილ საჯარო ჯგუფში „ამბები ახალდაბის მედიაკაფე ,, Lutrezi’’-დან. https://www.facebook.com/groups/1940354043443712
მარიამ ყაულაშვილი
პროექტის კოორდინატორი
