სამცხე-ჯავახეთის სახელმწიფო რწმუნებულმა, ბესიკ ამირანაშვილმა, ბორჯომის მუნიციპალიტეტის მერთან, ოთარ არბოლიშვილთან და საკრებულოს თავმჯდომარე, დავით ზაალიშვილთან ერთად, ბერძნულ-რომაული სტილით მოჭიდავე დიმიტრი ხაჩიძეს რწმუნებულის ადმინისტრაციაში უმასპინძლა.
საზოგადოებისთვის ცნობილია, რომ დიმიტრი ხაჩიძემ 23-წლამდელთა ევროპის ჩემპიონატზე გამარჯვება მოიპოვა.
რწმუნებულმა სპორტსმენს მადლობა გადაუხადა წარმატებული გამოსვლისა და ქვეყნისა და რეგიონის სახელის ღირსეულად წარმოჩენისთვის.
გამარჯვებულ მოჭიდავეს სახელმწიფო რწმუნებულისა და ბორჯომის მუნიციპალიტეტისაგან მადლობის სიგელები და ფულადი ჯილდო10 000 ლარი გადაეცა.
შეხვედრისას ხაზი გაესვა სპორტის განვითარებისა და ახალგაზრდა სპორტსმენების მხარდაჭერის მნიშვნელობას. სახელმწიფო რწმუნებულმა წარმატებული კარიერის გაგრძელება და მომავალ ტურნირებში გამარჯვებები უსურვა სპორტსმენს.
შეხვედრას, ასევე ესწრებოდნენ – რწრმუნებულის მოადგილეები დავით ვარდიაშვილი, შოტა როსტიაშვილი, აპარატის უფროსი გიორგი მიქელაძე, ბორჯომის მუნიციპალიტეტის კულტურისა და სპორტის სამსახურის წარმომადგენელი თათა ლამბრიანიძე.
R
