ბაკურიანში ევროპის ზამთრის ახალგაზრდული ოლიმპიური ფესტივალი იწყება! — საქართველოს სახელით რვა სპორტსმენი სამ სხვადასხვა სპორტის სახეობაში იასპარეზებს!

ევროპის ზამთრის ახალგაზრდული ოლიმპიური ფესტივალის ოფიციალური გახსნა ბაკურიანში 9 თებერვალს 19:00 საათზე გაიმართება, 25-იანების მიმდებარე ტერიტორიაზე.

EYOF Bakuriani 2025-ზე საქართველოს სახელით რვა სპორტსმენი სამ სხვადასხვა სპორტის სახეობაში იასპარეზებს!

სამთო-მოთხილამურეები – ანასტასია მირიანაშვილი, ნელი უსტიმენკო, იასონ ვეზდენი, გიორგი ჯაფარიძე, ირაკლი ხერგიანი და გოგა გულედანი სლალომში, გიგანტურ სლალომსა და გუნდურ შეჯიბრში მიიღებენ მონაწილეობას

ფიგურულ სრიალში ქვეყნის სახელით ინგა გურგენიძე გამოვა.

ბიატლონში საქართველოს შიო ქუჩუკიანი წარადგენს

მაყურებელთა ნაკადისა და საავტომობილო გზების მოსალოდნელი გადატვირთვის გამო, გახსნის ცერემონიაზე დასწრების მსურველები უნდა მობრძანდნენ 18:00-18:30 საათამდე.

ბაკურიანში, ევროპის ზამთრის ახალგაზრდული ოლიმპიური ფესტივალის ფარგლებში, სპორტსმენთა და ვიზიტორთა შეუფერხებელი გადაადგილებისთვის, ამოქმედდა სატრანსპორტო რეგულაციები.

7 თებერვლიდან 16 თებერვლის ჩათვლით:

10:00-დან 16:00 საათამდე, ყველა სახის ტრანსპორტის მოძრაობა და პარკირება იზღუდება დიდველის ავტოსადგომიდან ე.წ კუთხის ნიკორამდე.

16:00-დან დილის 10:00 საათამდე, საავტომობილო მოძრაობა შესაძლებელია შეუზღუდავად.

09:00-დან 17:00 საათამდე, დაბა ბაკურიანში მგზავრების გადაადგილებას უზრუნველყოფს მუნიციპალური ტრანსპორტი, რომელიც იმოძრავებს სპეციალურად ფესტივალისათვის დანიშნული მარშრუტებით, მათ შორის, სრულად შეზღუდულ მონაკვეთზე — დიდველის საბაგიროებამდე.

შეზღუდვებით გამოწვეული დისკომფორტის თავიდან ასაცილებლად, გახანგრძლივდა დიდველის საბაგიროების მუშაობის დრო — 09:00-დან 18:00 საათამდე.

ფესტივალის მიმდინარეობისას მოწყობილია უფასო და ფასიანი ავტოსადგომები ვიზიტორებისთვის, შემდეგ არეალებში:

სასტუმრო „მგზავრების“ მოპირდაპირე მხარეს;

25-იანების გვერდით და მოპირდაპირე მხარეს (9 თებერვლის გარდა; 9 თებერვალს ეს ორი ავტოსადგომი გამოიყენება მხოლოდ ფესტივალის ოფიციალური ავტომობილებისათვის);

დიდველთან — ქვედა ავტოსადგომი (შესვლა 10:00-მდე), გთხოვთ, გაითვალისწინოთ, დიდველის საბაგიროებთან არსებული ზედა ავტოსადგომები რეზერვირებულია მხოლოდ ფესტივალის ავტომობილებისთვის;

ბიატლონის არენის სიახლოვეს — სასტუმრო მელისის მიმდებარე ტერიტორიაზე.

გზის სავალი ნაწილის ორივე მხარეს არასწორი პარკირების აღკვეთა მოხდება 24 საათის განმავლობაში:

რუმსი-კოხტას საბაგიროდან სასტუმრო მგზავრებამდე,

დიდველის სადგომიდან ე.წ. კუთხის ნიკორამდე,

სასტუმრო მგზავრებიდან ე.წ. კუთხის ნიკორამდე,

ე.წ. კუთხის ნიკორადან ანდეზიტის მიმართულებით, ბიატლონის არენამდე

დაბა ბაკურიანის ცენტრალურ ქუჩაზე.

ყველა ზემოხსენებულ მონაკვეთზე, აკრძალულია

საჭაპანო და საპალნე ტრანსპორტის, დასაჯდომი

ცხოველებისა და მოტოტრანსპორტის მოძრაობა.

10-15 თებერვალს — ფესტივალის ფარგლებში ბაკურიანის ცენტრალურ პარკში გაიმართება მუსიკალური საღამოები

შეჯიბრებების დეტალური განრიგის სანახავად ეწვიეთ ბმულს

https://bakuriani2025.sporteurope.org/…/scheduleCompetition…