განგვონში (სამხრეთ კორეა) საზეიმოდ გაიხსნა ზამთრის მეოთხე ახალგაზრდული ოლიმპიური თამაშები.
სპეციალური მხატვრული პროგრამის შემდეგ გაიმართა მონაწილე ქვეყნების დროშების აღლუმი. ტრადიციის შესაბამისად, სტადიონზე შემოიტანეს ოლიმპიური დროშა და დაანთეს ოლიმპიური ცეცხლი.
დამსწრე საზოგადოებას მისასალმებელი სიტყვით მიმართა საერთაშორისო ოლიმპიური კომიტეტის პრეზიდენტმა თომას ბახმა.
გახსნის ცერემონიაზე საქართველოს მედროშეები იყვნენ მოციგავე ლუკა მიქაბერიძე და ტრამპლინიდან მხტომელი ესმირალდა ალიევი.
ზამთრის ახალგაზრდულ ოლიმპიურ თამაშებს განგვონი 19 იანვარიდან პირველი თებერვალის ჩათვლით უმასპინძლებს, სადაც სპორტის 7 სახეობის 15 დისციპლინაში მონაწილეობას მიიღებს 1900 — მდე სპორტსმენი, მათ შორის საქართველოდან სპორტის 3 სახეობაში (ფიგურული ციგურაობა, ტრამპლინიდან ხტომა, ციგაობა) იასპარეზებს 6 სპორტსმენი.
ფიგურული ციგურაობა
1. ინგა გურგენიძე
2. კონსტანტინე სუპატაშვილი
ტრამპლინიდან ხტომა
1. ესმირალდა ალიევი
2. გიორგი დიაკონოვი
საციგაო სპორტი
1. საბა ხაჩიძე
2. ლუკა მიქაბერიძე
საქართველოს ოლიმპიურ დელეგაციას ზამთრის ახალგაზრდულ ოლიმპიურ თამაშებზე ხელმძღვანელობს სეოკ-ის პრეზიდენტი ლერი ხაბელოვი, ოლიმპიურ სოფელში მისიის ხელმძღვანელია სეოკ-ის სპორტული დირექტორი გიორგი ესაკია.
