მედიასახლ „პოსტსკრიპტუმი“-სა და წიგნის სახლ „ქიმერიონი“-ს წიგნიერების აქციის ტრადიციული საზაფხულო კვირეულის ფარგლებში ახალციხის მუნიციპალიტეტის ოთხ სკოლას ვესტუმრეთ და
ახალციხის, ადიგენის, ბორჯომისა და ასპინძის მაჟორიტარი დეპუტატის, პარლამენტარ ანტონ ობოლა-შვილის მხარდაჭერით, თანამედროვე, მაღალპოლიგრაფიული გამომცემლობების წიგნები გადავეცით საჩუქრად.
აი, ის სკოლებიც, რომლებმაც ამ ეტაპზე მიიღეს პარლამენტარის საჩუქარი:
- სსიპ ახალციხის მუნციპალიტეტის სოფელ გურკელის საჯარო სკოლა (სკოლის დირექტორი ცისანა ქიმერიძე);
- სსიპ ახალციხის მუნიციპალიტეტის სოფელ ზიკილიას საჯარო სკოლა (დირექტორი მარინა ნათენაძე);
- სსიპ ახალციხის მუნციპალიტეტის სოფელ კლდეს საჯარო სკოლა (დირექტორი ნესტან დევნოსაძე);
- სსიპ ახალციხის მუნიციპალიტეტის სოფელ სხვილისის საჯარო სკოლა (დირექტორი ანაიდა ნახაპეტიანი)
წიგნიერების აქციის ფარგლებში ახალციხის ოთხივე სკოლას მაჟორიტარის ახალციხის ბიუროს ხელმძღვანელთან, მზია თამარაშვილთან, ერთად ვესტუმრეთ და თითოეული სკოლის ბიბლიოთეკას ბატონ ანტონ ობოლაშვილის საჩუქარი გადავეცით.
შეხვედრის დროს ხელმძღვანელებიც, მასწავლებლებიც და ბავშვებიც ხაზგასმით საუბრობდნენ წიგნიერების მნიშვნელობაზე და მადლიერებას გამოხატავდნენ მაჟორიტარი დეპუტატის მიმართ, რომ ის განსაკუთრებულად ზრუნავს ახალგაზრდების განათლებასა და წიგნიერების გაუმჯობესებაზე.
სწორედ ასეთი მადლიერება და დამოკიდებულება კიდევ უფრო მეტ სიცოცხლისუნარიანობას სძენს ჩვენს ტრადიციულ წიგნიერების აქციას, რომელიც მესამე წელია, პარლამენტარ ანტონ ობოლაშვილის მხარდაჭერით ხორციელდება მის სამაჟრიტარო ოლქებში და ყოველ ჯერზე გვარწმუნებს, რომ ასეთი მხარდაჭერა განსაკუთრებულად მნიშვნელოვანია სკოლებისთვის.
ნატო გუბელაძე
მედიასახლ „პოსტსკრიპტუმის“ მთავარი რედაქტორი
